कळंब तालुक्यात गांजाची शेती करणाऱ्यास पोलिसांनी पकडले

 कळंब ( प्रतिनिधी )

तालुक्यातील पिंपळगाव ( डोळा ) येथे गांजाची शेती करणाऱ्यास अटक केली असून यामुळे सर्वत्र खळबळ उडाली आहे.

गांज्याची अवैध विक्रीसाठी लागवड व जोपासणी करणाऱ्या विरुध्द कळंब पोलीसांनी कारवाई केली आहे. कळंब पोलीस ठाण्याचे पोलीस निरीक्षक रवी सानप व त्यांच्या पथकाने ही कार्यवाही केली आहे.

डोळा पिंपळगाव शिवारातील शेत गट नं 105 येथे एक इसमाने त्याचे शेतात गांजा सदृश्य झाडांची लागवड करुन जोपासणा करीत आहे. त्यावर पथकाने त्या ठिकाणी जावून छापा टाकाला असता अमर अंकुश टेकाळे हा त्याचे वडीलाचे शेतात गांज्या या अंमली वनस्पतीची लागवड केली होती.

टेकाळे हा त्याचे वडीलाचे शेतात गांज्या याअंमलीवनस्पतीची लागवड केली होती.अवैध विक्री करण्याचे उद्देशाने झाडे लावून त्यांची जोपासणा करीत असताना पथकास मिळून आला. यावर पथकाने गांजा जप्त करुन अमर टेकाळे यांचे विरुध्द गुंगीकारक औषधीद्रव्य आणि मनो व्यापारावर परिणाम करणारे पदार्थ अधिनियम 1985 कलम 8 (क), 20 (क)

अन्वये कळंब पोलीस ठाण्यात दाखल करण्यात आला आहे.

ही कामगिरी  पोलीस अधीक्षक संजय जाधव, अपर पोलीस अधीक्षक गौहर हसन व कळंब उपविभागीय पोलिस अधिकारी संजय पवार यांचे मार्गदर्शनाखाली कळंब पोलीस ठाण्याचे प्रभारी पोलीस निरीक्षक रवी सानप, मसपोनि पुंडगे, सपोनि मगर, पोलीस उपनिरीक्षक शिंदे, अंमलदार शिवाजी राऊत, मनोज दळवी, अजिज शेख, अमोल माळी, किरण माळी, फुलचंद मुंडे, आसाराम खाडे, साईनाथ आशमोड, म पो कॉ संजीवनी वडकर, चालक इरफान शेख यांच्या पथकाने केली आहे.